Բացահայտվել են «Կրասնոպոլ-Մ2» բարձր ճշգրտության արկի հիմնական առավելությունները

Ռուսական «Կրասնոպոլ-Մ2» բարձր ճշգրտության արդիականացված արկի կրակոցի նախապատրաստման ժամանակը կրճատվել է՝ համեմատած նախորդ տարբերակի հետ։ Այս մասին հայտնում է РИА Новости-ն՝ հղում անելով «Հարավ» զորախմբի 238-րդ հրետանային բրիգադի զինծառայողին։ Նշվում է, որ արդիականացված արկը թույլ է տալիս արագացնել հաշվարկի աշխատանքը և բարձրացնել կիրառման արդյունավետությունը։

«Կրասնոպոլ-Մ2»-ը, ի տարբերություն բազային տարբերակի, մոնոբլոկ կառուցվածք ունի և պատրաստված է սովորական չկառավարվող արկի չափսերով։ Սա հնարավորություն է տալիս այն պահել և տեղափոխել հավաքված վիճակում՝ հրանոթի ստանդարտ զինամթերքի համալրման կազմում։ Զինծառայողների խոսքով՝ այժմ անհրաժեշտ տվյալները ներմուծվում են վահանակից, և հաշվարկները կատարվում են ավտոմատ, մինչդեռ նախկինում կարգավորումները կատարվում էին մեխանիկորեն։

Լազերային ինքնաուղղորդման գլխիկով «Կրասնոպոլ» շարքի արկերը թիրախավորվում են լազերային ճառագայթի միջոցով, իսկ թռիչքի ուղին ճշգրտվում է բացվող հարթություններով։ «Կրասնոպոլ-Մ2»-ը համալրված է վեց դուրս բերվող կայունացուցիչներով։ Ավելի վաղ հաղորդվել էր, որ «Բարձր ճշգրտության համալիրներ» հոլդինգը կատարել է «Իսկանդեր-Մ» համալիրների համար նախատեսված հրթիռների և «Կրասնոպոլ-Մ2» արկերի մատակարարման պայմանագրերը։