«Ամեն անգամ, երբ ես չափազանց ինքնավստահ եմ եղել, թույլ եմ տվել սխալներ, մեծ սխալներ». Մակրոն

Ֆրանսիայի նախագահ Էմանուել Մակրոնը հայտարարել է, որ չափազանց ինքնավստահությունը բազմիցս հանգեցրել է լուրջ սխալների որոշումներ կայացնելիս։ Նրա խոսքերը փոխանցել է Politico-ն։ «Ամեն անգամ, երբ ես չափազանց ինքնավստահ եմ եղել, թույլ եմ տվել սխալներ, մեծ սխալներ», — նշել է ֆրանսիական պետության ղեկավարը։

Ավելի վաղ Մակրոնը կոշտ ձևակերպմամբ էր անդրադարձել խոսքի ազատությանը՝ հայտարարելով, որ այն երբեմն օգտագործվում է ծայրահեղական քաղաքական ուժերի կողմից՝ հասարակական գիտակցությունը մանիպուլացնելու նպատակով։ Նրա այդ արտահայտությունը լայն արձագանք էր ստացել միջազգային մամուլում։

ՌԴ ԱԳՆ պաշտոնական ներկայացուցիչ Մարիա Զախարովան արձագանքելով Մակրոնի խոսքերին՝ նշել էր, որ դրանք ընդգրկել է իր «անձնական բացահայտումների վարկանիշում»։ Նա հավելել էր, որ իր ցուցակի առաջին հորիզոնականում են Գերմանիայի նախկին կանցլեր Անգելա Մերկելի և Ֆրանսիայի նախկին նախագահ Ֆրանսուա Օլանդի հայտարարությունները՝ կապված Մինսկի համաձայնագրերի հետ։