Ռուսաստանում երեխաների թիվը համեմատվել է ԱՄՆ-ի, Չինաստանի և ԽՍՀՄ-ի հետ

Ռուսաստանում բնակվում է 31 միլիոն երեխա, ինչը կազմում է երկրի ընդհանուր բնակչության 21,4 տոկոսը։ Այս մասին հայտարարել է Ռուսաստանի առողջապահության նախարարության գլխավոր մանկական մասնագետ Լեյլա Նամազովա-Բարանովան, փոխանցում է РИА Новости-ն։

Նրա խոսքով՝ Չինաստանում ապրում է գրեթե 300 միլիոն երեխա, ինչը կազմում է բնակչության 21,1 տոկոսը՝ գրեթե համադրելի ռուսական ցուցանիշների հետ։ ԱՄՆ-ում, ըստ ներկայացված տվյալների, ապրում է 72,6 միլիոն անչափահաս, ինչը կազմում է ընդհանուր բնակչության 24,6 տոկոսը։ Թուրքիայում, որի բնակչությունը Ռուսաստանի համեմատ փոքր է, երեխաների թիվը հասնում է 22 միլիոնի կամ 25,5 տոկոսի։

Նամազովա-Բարանովան նաև նշել է, որ Խորհրդային Միությունում երեխաների թիվը զգալիորեն ավելի բարձր էր՝ 83 միլիոն կամ 35,6 տոկոս։ Նա ընդգծել է, որ այդ ժամանակ կյանքի տևողությունը տարբեր էր։ Ավելի վաղ առողջապահության նախարար Միխայիլ Մուրաշկոն հայտնել էր, որ 2025 թվականին մանկական մահացության ցուցանիշը նվազել է մինչև 3,6 պրոմիլե՝ դառնալով պատմական նվազագույն, մինչդեռ 2024-ին այն կազմել էր 4 պրոմիլե։