Իրանը չպետք է ունենա միջուկային զենք․ Թրամփ
Աշխարհ
ԱՄՆ նախագահ Դոնալդ Թրամփը կարծում է, որ Իրանի միջուկային համաձայնագրի հետ կապված իրավիճակն ավելի պարզ կդառնա առաջիկա 10 օրվա ընթացքում։ Այս մասին նա հայտարարել է հինգշաբթի՝ փետրվարի 19-ին, Վաշինգտոնում կայացած Խաղաղության խորհրդի առաջին նիստի ժամանակ, որին մասնակցել են մոտ 20 երկրների ներկայացուցիչներ։
Իր ելույթի ժամանակ ամերիկացի առաջնորդը թվարկել է իր նախագահական նվաճումները, մասնավորապես՝ Մերձավոր Արևելքում խաղաղությունը։
«Տարիներ շարունակ ապացուցվել է, որ էական համաձայնության հասնելը հեշտ չէ, բայց մենք պետք է այն մշակենք։ Հակառակ դեպքում՝ վատ բդեպքեր տեղի կունենան», - ասել է Թրամփը՝ նկատի ունենալով Իրանին։
Նա հավելել է, որ «հավանաբար հաջորդ 10 օրվա ընթացքում կտեսնեք, թե արդյոք մենք համաձայնության կհասնենք»։
Թրամփը նշել է, որ իր ներկայացուցիչները՝ հատուկ դեսպանորդ Սթիվ Ուիթքոֆը և խորհրդական Ջարեդ Քուշները, ակտիվորեն աշխատում են այդ ուղղությամբ։ Նա հավելել է, որ նրանք «լավ հարաբերություններ ունեն իրանցի պաշտոնյաների հետ»։
ԱՄՆ նախագահը շեշտել է, որ Իրանին չպետք է թույլ տալ հասանելիություն ունենալ միջուկային զենքի։
«Նրանք չպետք է ունենան միջուկային զենք։ Եվ նրանց դա շատ հստակ ասվել է», - եզրափակել է Թրամփը։
ՈՒՂԻՂ ԵԹԵՐ
Ամենադիտված 
Պարզվել է Աջափնյակում զինված միջադեպի հետևանքով մահացածի և 7 վիրավորների ինքնությունը 
