Նեթանյահուն սպառնացել է Իրանին «աներևակայելի» պատասխանով

Իսրայելի վարչապետ Բենիամին Նեթանյահուն սպառնացել է Իրանին «աներևակայելի» պատասխանով, եթե Իսլամական Հանրապետության իշխանությունները որոշեն կանխարգելիչ կերպով հարձակվել հրեական պետության վրա։

«Ես իմ ընկերոջը՝ ԱՄՆ նախագահ Դոնալդ Թրամփին բացատրեցի այն սկզբունքները, որոնցով, Իսրայելի տեսանկյունից, պետք է առաջնորդվեն Իրանի հետ բանակցությունների ժամանակ։ Մենք պատրաստ ենք ցանկացած սցենարի։ Մեկ բան հաստատ է. եթե այաթոլլաները սխալ թույլ տան և հարձակվեն մեզ վրա, նրանք կբախվեն այնպիսի պատասխանի, որ նույնիսկ չեն կարող պատկերացնել», - ասել է երկրի վարչապետը։

Նեթանյահուի հայտարարությունը հնչել է տարածաշրջանում ամերիկյան ռազմական ուժի կուտակման ֆոնին, երբ, զուգահեռաբար, ամերիկացիներն ու իրանցիները բանակցություններ են վարում միջուկային համաձայնագրի շուրջ։