Օրբանը Ուկրաինային կոչ է արել ուշքի գալ

Հունգարիան կպատասխանի Ուկրաինային, եթե այն չդադարի Բուդապեշտին շանտաժի ենթարկելու փորձերը՝ դադարեցնելով Ռուսաստանից նավթի տարանցումը։ Այս մասին հայտարարել է Հունգարիայի վարչապետ Վիկտոր Օրբանը Վաշինգտոնում Խաղաղության խորհրդի նիստից հետո տեղի ունեցած մամուլի ասուլիսում, հաղորդում է ՌԻԱ Նովոստին։

Քաղաքական գործչի խոսքով՝ իր երկիրը չի սպառնում Կիևին։

«Ես չեմ ուզում շտապել, բայց մենք նաև հաշվի ենք առնում, որ Ուկրաինա էլեկտրաէներգիայի մատակարարումը կատարվում է Հունգարիայի միջոցով։ Մենք հույս ունենք, որ ուկրաինացիները խելքի կգան, և շանտաժի, անկարգությունների և քաոսի առաջին փորձից հետո նրանք չեն շարունակի։ Եթե դա անեն, մենք պատասխանի գաղափարներ ունենք», - ասել է Օրբանը։