Հայաստանը կարող է մասնակցել գազային միջանցքին. Բայրաքթար

Հուսով ենք, որ Հայաստանի հետ կարգավորման գործընթացը կանդրադառնա նաև տնտեսական հարաբերությունների վրա։ Այս մասին հայտարարել է Թուրքիայի էներգետիկայի և բնական պաշարների նախարար Ալփարսլան Բայրաքթարը։ 

Նախարարը նշել է, որ իրենք աջակցում են կարգավորման գործընթացին: Բայրաքթարը նշել է, որ Հայաստանը կարող է նաև Ադրբեջանի և Թուրքիայի միջև էներգետիկ համագործակցության մաս կազմել:

«Գազային միջանցքի վերաբերյալ հանդիպման ժամանակ մենք նախատեսում ենք անցնել հաջորդ փուլ՝ մարտի սկզբին։ Կարո՞ղ է Հայաստանը մասնակցել դրան։ Իհարկե, կարող է։ Մենք այս իմաստով աջակցում ենք կարգավորմանը, և երբ խոսում ենք կարգավորման մասին, իրականում նկատի ունենք տնտեսական հարաբերությունների կարգավորումը։ Ինչպես նշեցիք, մենք կարող ենք նաև զարգացնել համագործակցությունը էներգետիկ ոլորտում։ Այնտեղ նույնպես կարող են լինել լավ հնարավորություններ։ Հուսով եմ, որ այս գործընթացը կզարգանա այնպես, որ բոլորին օգուտ բերի», - ասել նա։

Նա նաև ներկայացրել է, որ կա «կանաչ միջանցքի» նախագիծ Ադրբեջանի, Վրաստանի, Թուրքիայի և Բուլղարիայի հետ, որը ներառում է Նախիջևանում արտադրված էլեկտրաէներգիայի արտահանումը, մասնավորապես՝ վերականգնվող աղբյուրներից, դեպի Թուրքիա և Եվրոպա։ 

«Մենք արդեն նախնական համաձայնագրեր ենք ստորագրել այս հարցի վերաբերյալ»,- հավելել է թուրք նախարարը։