Մոր կողմից լքված փոքրիկ Փանչը նոր ընտանիք է գտել (լուսանկարներ)

Փոքրիկ կապիկի պատմությունը, որը հուզել է սոցիալական ցանցերի միլիոնավոր օգտատերերի, երջանիկ ավարտ է ունեցել, գրում է The Independent-ը։

Ճապոնիայի կենդանաբանական այգիներից մեկում ապրող մակակը, որին ծնվելուց անմիջապես հետո լքել էր մայրը, վերջապես գտել է իր տեղը մյուս կապիկների շարքում։

Կենդանաբանական այգու աշխատակիցները փրկել են Փանչին մահից՝ նրան շշով կերակրելով և խմբից առանձին մեծացնելով։ Մակակները մեծապես կախված են մոր հետ ֆիզիկական շփումից. նրանք կառչում են նրանցից՝ իրենց անվտանգ զգալու և մկանները զարգացնելու համար։ Այսպիսով, աշխատակիցները որոշել են Փանչի մայրիկին փոխարինող գտնել՝ սրբիչ կամ փափուկ խաղալիք։

Կենդանու ընտրությունը կանգ է առել փափուկ օրանգուտանի վրա։ Փանչի խնամակալներից մեկի խոսքով՝ խաղալիք կապիկի տեսքը փոքրիկ մակակին անվտանգության զգացում է տալիս։ Փանչը արագորեն կապվել է իր «փոխնակ մոր» հետ և ամիսներ անցկացրել՝ այն գրկած քնելով։

Այս պատմությունն, ի վերջո, ունեցել է երջանիկ ավարտ։ Կենդանաբանական այգին հայտնել է, որ Փանչը աստիճանաբար սկսել է ինտեգրվել մյուս մակակների խմբին։

Սկզբնական փորձերը՝ վերադառնալու խումբ, նրա համար դժվար և նույնիսկ հյուծիչ էին։ Սակայն ժամանակի ընթացքում իրավիճակը փոխվեց։ Խնամողները գրանցել են կարևոր պահ․ մեկ այլ կապիկ սկսել է «սանրել» Փանչին։ Պրիմատների աշխարհում դա պարզապես հիգիենիկ գործընթաց չէ, այլ վստահության, ընդունման և սոցիալական կապի նշան։

Տեսանյութում նաև երևում է, թե ինչպես է Փանչը խաղում մյուս փոքրիկ կապիկների հետ և նույնիսկ բարձրանում նրանց մեջքին։ Ամենահուզիչ պահերից մեկում մեծահասակ կապիկը գրկում է նրան․ օգտատերերն այդ պահն անվանել են լուռ ազդանշան, որ փոքրիկն այլևս միայնակ չէ։