Ռուսաստանը սպառնում է պատասխան քայլերով, եթե Հարավային Կորեան միանա PURL ծրագրին

Ռուսաստանը ստիպված կլինի պատասխան քայլեր ձեռնարկել, եթե Հարավային Կորեան միանա Ուկրաինային ռազմական մատակարարումների PURL ծրագրին (Prioritized Ukraine Requirements List), հայտարարել է ՌԴ ԱԳՆ պաշտոնական ներկայացուցիչ Մարիա Զախարովան, հայտնում է TASS-ը։

Նրա խոսքով՝ Սեուլի հնարավոր մասնակցությունը, լինի դա ուղղակի թե անուղղակի, կհետաձգի ուկրաինական հակամարտության կարգավորման հեռանկարները և լուրջ վնաս կհասցնի ռուս-կորեական հարաբերություններին։ «Այդ դեպքում մենք ստիպված կլինենք օգտվել պատասխան քայլերի իրավունքից», – նշել է Զախարովան։

Նա ընդգծել է, որ Մոսկվայում զարմացած են Սեուլի հնարավոր մասնակցության մասին տեղեկություններից, քանի որ Հարավային Կորեան բազմիցս հայտարարել է, որ չի մասնակցում Արևմուտքի կողմից Ուկրաինային զենքի մատակարարման նախաձեռնություններին։