Bose, Samsung և Sennheiser ականջակալներում հայտնաբերվել են քաղցկեղի վտանգ պարունակող նյութեր

Երեք հայտնի բրենդների՝ Bose, Samsung և Sennheiser ականջակալներում հայտնաբերվել են քիմիական միացություններ, որոնք համարվում են պոտենցիալ վտանգավոր առողջության համար։ Այս մասին հայտնում է Mash Telegram-ալիքը՝ հղում անելով ուսումնասիրության արդյունքներին։

Հաղորդման համաձայն՝ գիտնականները հետազոտել են 81 զույգ ականջակալ և դրանց կորպուսներում հայտնաբերել բարձր մակարդակի բիսֆենոլ A (BPA) և բիսֆենոլ S (BPS) միացություններ։ Երկարատև շփումը այդ նյութերի հետ, ըստ աղբյուրի, կարող է բացասաբար ազդել հորմոնալ համակարգի վրա և մեծացնել մի շարք հիվանդությունների զարգացման ռիսկը։

Փորձագետները կոչ են արել Եվրամիության իշխանություններին ուշադրություն դարձնել խնդրին և ազդել արտադրողների վրա։ Միևնույն ժամանակ նշվում է, որ նման քիմիական բաղադրիչների ամբողջական բացառումը արտադրական գործընթացից կարող է բարդ լինել։