Արևմուտքի համար անհնար է անտեսել «հատուկ ռազմական գործողության» իրադարձությունների մասին ճշմարտությունը. Զախարովա

Արևմտյան երկրները ցանկանում են հուսալի տեղեկատվություն ստանալ «Հատուկ ռազմական գործողության» իրադարձությունների մասին. դրա մասին ճշմարտությունն այլևս չի կարելի անտեսել, հայտարարել է Ռուսաստանի արտաքին գործերի նախարարության մամուլի խոսնակ Մարիա Զախարովան, գրում է ՌԻԱ Նովոստին։

Նրա խոսքով՝ արևմտյան երկրների բնակիչները ցանկանում են իմանալ ճշմարտությունը պատերազմում տեղի ունեցած իրադարձությունների մասին։

«Ճշմարտությունն այլևս չի կարելի անտեսել Արևմուտքում։ Եվ այն չի կարելի թաքցնել, ինչպես անում են արևմտյան լրագրողները», - ասել է նա «Մեր հերոսների ժամանակը» վավերագրական ֆիլմերի փառատոնի բացման արարողության ժամանակ տեսաուղերձում։