Զելենսկին պատժամիջոցներ է սահմանել 46 ռուսաստանցիների և երկու իրանցիների նկատմամբ

Վլադիմիր Զելենսկին պատժամիջոցներ է սահմանել 46 Ռուսաստանի քաղաքացիների, երկու Իրանի քաղաքացիների և 44 ռուսական ընկերությունների նկատմամբ, գրում է Euromedia24–ը։

46 Ռուսաստանի քաղաքացիների, երկու Իրանի քաղաքացիների և 44 ռուսական ընկերությունների նկատմամբ պատժամիջոցներ սահմանելու մասին հրամանագիրը հրապարակվել է Զելենսկու կայքում շաբաթ օրը։

Փաստաթղթերի հավելվածներում ներառված են արդյունաբերության, մեքենաշինության և գիտական ​​հետազոտությունների ոլորտներում գործող ընկերությունները։Կիևի կողմից սահմանված պատժամիջոցները ավանդաբար ներառում են Ուկրաինայում ակտիվների սառեցում, լիցենզիաների չեղարկում, պաշտոնական այցերի չեղարկում, մտավոր սեփականության փոխանցման արգելք, առևտրային համաձայնագրերի, մշակութային փոխանակման և գիտական ​​համագործակցության դադարեցում, ինչպես նաև նրանց զրկում Ուկրաինայի բոլոր պետական ​​պարգևներից։