Վերոնայում ավարտվեցին 2026 թվականի Օլիմպիական խաղերը

Վերոնայում ավարտվեցին 2026 թվականի Ձմեռային Օլիմպիական խաղերի փակման արարողությունը, որը կրում էր «Գեղեցկությունը գործողության մեջ» խորագիրը։ Այն տեղի ունեցավ Արենա դի Վերոնայում՝ հին հռոմեական մարզադաշտում: 

Ծաղրածու Ռիգոլետտոյի ղեկավարությամբ արարողությունը սկսվեց կարճամետրաժ ֆիլմի ցուցադրությամբ: Այնուհետև հյուրերն ու մասնակիցները վայելեցին Դանթե Ալիգիերիի «Աստվածային կատակերգություն» ստեղծագործությանը հղումներով թատերական ներկայացում, «Ավելի արագ, ավելի բարձր, ավելի ուժեղ՝ միասին» օլիմպիական կարգախոսով լուսային շոու, տարբեր երաժշտական, պարային և ակրոբատիկ ներկայացումներ, ինչպես նաև մասնակից մարզիկների շքերթ՝ իրենց ազգային դրոշներով: Կազմակերպիչների տվյալներով՝ հանդիսատեսի առջևից քայլել է մոտ 1500 մարզիկ:

2026 թվականի Օլիմպիական խաղերը տեղի ունեցան Իտալիայում՝ փետրվարի 6-22-ը: Ոչ պաշտոնական թիմային հաշվարկով առաջատարը Նորվեգիան էր: Միացյալ Նահանգները զբաղեցրեց երկրորդ տեղը, իսկ Նիդեռլանդները՝ երրորդը: