Եգիպտոս գնալը կթանկանա

Մարտի 1-ից սկսած՝ Եգիպտոս մուտքի վիզայի արժեքը 25 դոլարից կբարձրանա մինչև 30 դոլար։ Այս մասին հայտնել է Cairo 24-ը՝ հղում անելով Տուրիստական ​​ընկերությունների և գործակալությունների պալատին։

«Տուրիստական ​​ընկերությունների և գործակալությունների պալատը հայտարարել է Եգիպտոսի մուտքի կետերում մուտքի վիզայի վճարների բարձրացման մասին», – նշվում է հաղորդագրության մեջ։

Հրատարակությունը պարզաբանում է, որ սա վերաբերում է միանգամյա մուտքի վիզաներին, որոնց գինը մարտի 1-ից սկսած 25 դոլարից կբարձրանա մինչև 30 դոլար: Բազմակի մուտքի վիզայի գինը կմնա նույնը՝ 60 դոլար։