FT․ Խաղաղության խորհուրդը քննարկում է Գազայի վերականգնման համար կայուն մետաղադրամի ստեղծման հարցը
Աշխարհ
Բրիտանական Financial Times (FT) թերթը՝ հղում անելով աղբյուրներին, հաղորդում է, որ Խաղաղության խորհուրդը քննարկում է կայուն մետաղադրամի թողարկման հնարավորությունը, որը կօգնի վերականգնել Գազայի հատվածի տնտեսությունը։
Ըստ FT-ի՝ քննարկումները գտնվում են վաղ փուլում։ Եթե նախագիծը իրականացվի, կայուն մետաղադրամը, ենթադրաբար, կապված կլինի ԱՄՆ դոլարի հետ։
«Դա չի լինի Gazacoin կամ նոր պաղեստինյան արժույթ, այլ միջոց, որը թույլ կտա Գազայի բնակիչներին թվային գործարքներ կատարել», -ասել է աղբյուրը։
FT-ն հավելել է, որ այս նախագծի վրա աշխատում է իսրայելցի գործարար Լիրան Թանկմանը։ Քննարկումներին մասնակցում են նաև պաղեստինցի պաշտոնյաները և Գազայի հարցերով Խաղաղության խորհրդի գերագույն ներկայացուցիչ Նիկոլայ Մլադենովի գրասենյակի աշխատակիցները։
Թերթի աղբյուրներից մեկի համաձայն՝ կայուն մետաղադրամը խթանողները հիմնականում ցանկանում են «ազատել Գազան կանխիկից», որպեսզի արմատական պաղեստինյան ՀԱՄԱՍ շարժումը «չկարողանա այն գեներացնել»։
ՈՒՂԻՂ ԵԹԵՐ
Ամենադիտված 
Դերասանուհու որդին հիվանդանոցում մահացել է. որն էր եղել վեճի բուն պատճառը, ինչու էին կրակել նրան
