Պենտագոնի ղեկավարը չի բացառել այլմոլորակայինների գոյությունը

ԱՄՆ ռազմական նախարար Փիթ Հեգսեթը չի բացառել այլմոլորակայինների գոյությունը՝ նշելով, որ կոնկրետ տեղեկություններ կհայտնվեն այն բանից հետո, երբ իր հրամանատարության տակ գտնվող գործակալությունը հրապարակի ԱԹՕ-ների վերաբերյալ տվյալներ։

Ավելի վաղ ԱՄՆ նախագահ Դոնալդ Թրամփը, իր նախորդ Բարաք Օբամայի կողմից այլմոլորակայինների գոյության մասին խոստովանությունից հետո, խոստացավ հրապարակել Պենտագոնի տեղեկատվությունը այլմոլորակային կյանքի և ԱԹՕ-ների վերաբերյալ։ Նա հայտարարեց, որ հարցը չափազանց բարդ է, բայց շատ հետաքրքիր և կարևոր։

«Կտեսնենք։ Ես կվերանայեմ տվյալները և կպարզեմ»,-ասել է նա՝ ի պատասխան այլմոլորակայինների գոյության մասին հարցին։