ՄԱԿ-ը կոչ է արել ԱՄՆ-ին մարել ամբողջական անդամավճարը

ՄԱԿ-ի Գլխավոր ժողովի նախագահը կոչ է արել ԱՄՆ-ին վճարել իր ամբողջական անդամավճարը՝ ավելի քան 4 միլիարդ դոլար, քանի որ Վաշինգտոնը մինչ այժմ մարել է միայն շուրջ 160 մլն դոլար, ինչը կազմում է 5%-ից էլ քիչ, հայտնում է Reuters-ը։

ՄԱԿ-ի գլխավոր քարտուղարը նախազգուշացրել է, որ անդամների վճարումների ուշացումը կարող է առաջացնել «մոտալուտ ֆինանսական ճգնաժամ»։ Գլխավոր ժողովի նախագահ Անալենա Բերբոկն ընդգծել է. «Ամեն անդամ պետություն պետք է վճարի ամբողջությամբ և ժամանակին»։

Նա հավելել է, որ ՄԱԿ-ը շարունակում է հանդիսանալ միջազգային ինստիտուտ՝ խաղաղության և անվտանգության հարցերում, անկախ այն նախաձեռնություններից, որոնք ԱՄՆ-ն իրականացնում է սեփական «Խաղաղության խորհուրդ» ծրագրի շրջանակում։