Ռուսաստանի շահերը «կապահովվեն ցանկացած դեպքում». Պեսկով

ՌԴ նախագահի մամուլի քարտուղար Դմիտրի Պեսկովը հայտարարել է, որ Ուկրաինայում իրականացվող հատուկ ռազմական գործողության ընթացքում Ռուսաստանի նպատակներն ու շահերը կապահովվեն՝ «անկախ հանգամանքներից»։ Նրա խոսքով՝ Մոսկվան շարունակում է պատրաստակամ մնալ քաղաքական և դիվանագիտական միջոցներով լուծումներ որոնելու հարցում, սակայն իրավիճակը մեծապես կախված է Կիևի գործողություններից։

Պեսկովի հայտարարությունը հնչել է այն ֆոնին, երբ Ռուսաստանի արտաքին հետախուզությունը տեղեկացրել է, թե Մեծ Բրիտանիան և Ֆրանսիան քննարկում են Ուկրաինային միջուկային կամ այսպես կոչված «կեղտոտ ռումբ» տրամադրելու տարբերակներ։ ՌԴ հետախուզության տվյալներով՝ խոսքը կարող է լինել եվրոպական բաղադրիչների, սարքավորումների և տեխնոլոգիաների գաղտնի մատակարարումների մասին։

Ռուսաստանի Դաշնության Խորհրդի ներկայացուցիչները զգուշացրել են, որ նման քայլերը կարող են դիտարկվել որպես համատեղ հարձակում Մոսկվայի դեմ։ Նրանք կոչ են արել հարցը քննարկել ազգային խորհրդարանների մակարդակով, ինչպես նաև ՄԱԿ-ի Անվտանգության խորհրդում և համապատասխան միջազգային կառույցներում՝ ընդգծելով, որ նման զարգացումները կարող են լրջագույն հետևանքներ ունենալ տարածաշրջանային և գլոբալ անվտանգության համար։