The Guardian․ Թրամփի հնարավոր հարվածը Իրանին կախված կլինի Ուիթքոֆի և Քուշների գնահատականից
Համաշխարհային Մամուլ
ԱՄՆ նախագահ Դոնալդ Թրամփը կարող է Իրանին հարված հասցնելու որոշում ընդունել՝ հաշվի առնելով իր հատուկ բանագնաց Սթիվ Ուիթքոֆի և փեսայի՝ Ջարեդ Քուշների դիրքորոշումը։ Այդ մասին գրում է The Guardianը՝ հղում անելով աղբյուրներին։ Նշվում է, որ հենց նրանց գնահատականը՝ Իրանի հետ գործարքի հավանականության վերաբերյալ, կարող է որոշիչ լինել Սպիտակ տան վերջնական հաշվարկներում։
Աղբյուրների համաձայն՝ եթե համաձայնության հասնել չհաջողվի, Թրամփը դիտարկում է սահմանափակ հարվածների տարբերակը՝ Թեհրանի վրա ճնշում գործադրելու նպատակով։ Իսկ ձախողման դեպքում չի բացառվում ավելի լայնածավալ ռազմական գործողություն՝ մինչև իշխանափոխության փորձ։ Հաղորդվում է նաև, որ նախագահը խորհրդակցություններ է անցկացրել ռազմական շրջանակների հետ, որտեղ մշակվել են հնարավոր բախման սցենարներ։
Ավելի վաղ CBS Newsը տեղեկացրել էր, որ Թրամփը դժգոհ է ԱՄՆ ռազմական հնարավորությունների սահմանափակությունից Իրանի ուղղությամբ։ Ըստ աղբյուրների՝ նախագահի «անհամբերությունը» պայմանավորված է կտրուկ քայլերով դիվանագիտական գործընթացը վերագործարկելու ցանկությամբ։
ՈՒՂԻՂ ԵԹԵՐ
Ամենադիտված 
«Շանգրիլայի» լիցենզիան կչեղարկվի. Գագիկ Ծառուկյանին ունեզրկման գործընթաց է սկսել
