Իսլամ ընդունած Անաստասիա Ռեշետովան հրապարակվել է խաչով

«Միսս Ռուսաստան-2014» մրցույթի առաջին փոխթագուհի, մոդել Անաստասիա Ռեշետովան, որը նախկինում հայտարարել էր իսլամ ընդունելու մասին, սոցիալական ցանցերում հրապարակել է լուսանկարներ՝ պարանոցին խաչով շղթա կրելով։ Գրառումը հայտնվել է նրա Instagram-ի էջում։

Լուսանկարներում Ռեշետովան գտնվում է Եկատերինբուրգում, որտեղ այցելել է հրաձգության և մարտարվեստների ակադեմիաներ, ինչպես նաև «Արխանգել Միխայիլ» մարզական համալիր։ Նա ներկայացել է սև դասական կոստյումով և սպիտակ թոփով, իսկ կերպարը լրացրել է խաչով զարդարված շղթայով։

Ռեշետովան դեռ 2021 թվականի հուլիսին էր բացահայտել, որ իսլամ է ընդունել՝ ընդգծելով, որ դա անձնական որոշում է և որևէ տղամարդու ազդեցության արդյունք չէ։ Նրա խոսքով՝ նման ընտրությունը պետք է լինի ինքնուրույն և անկեղծ։