Apple-ի նոր MacBook-ը iPhone-ի չիպով կհերիքի հիմնական առաջադրանքների համար
Աշխարհ
Apple-ը մոտ ժամանակներս կարող է ներկայացնել բյուջետային նոր MacBook, որը կաշխատի iPhone-ի համար նախատեսված A18 Pro պրոցեսորով։ Այս մասին հայտնում է 9to5Macը՝ նշելով, որ նույն չիպը օգտագործվել է iPhone 16 Pro և iPhone 16 Pro Max մոդելներում։ Փորձագետների գնահատմամբ՝ դրա հզորությունը բավարար է գրասենյակային և առօրյա հիմնական աշխատանքների համար։
Geekbench 6 բենչմարքի տվյալներով՝ A18 Pro-ն մեկ միջուկի թեստում հավաքել է 3409 միավոր, մինչդեռ M1 չիպով MacBook Airը՝ 2369 միավոր։ Բազմամիջուկ թեստում A18 Pro-ն ստացել է 8492 միավոր, իսկ M1-ը՝ 8576, ինչը վկայում է, որ նոր չիպը ցուցանիշներով մոտ է Apple Silicon-ի առաջին սերնդին։
Նոր MacBook-ը, ինչպես M1-ով MacBook Air-ը, հավանաբար կունենա 8 ԳԲ օպերատիվ հիշողություն՝ պայմանավորված A18 Pro-ի սահմանափակումներով։ Սա նշանակում է, որ սարքը նախատեսված կլինի հիմնական առաջադրանքների համար և չի մրցի ավելի հզոր, 16 ԳԲ-ից սկսվող օպերատիվ հիշողությամբ Mac համակարգիչների հետ։ Միաժամանակ հաղորդվում է, որ Apple-ը պատրաստվում է աստիճանաբար դադարեցնել Intel պրոցեսորներով Mac-երի աջակցությունը՝ հնարավոր է՝ դրանք չստանան macOS 27 օպերացիոն համակարգի թարմացումը։
ՈՒՂԻՂ ԵԹԵՐ
Ամենադիտված 
Դերասանուհու որդին հիվանդանոցում մահացել է. որն էր եղել վեճի բուն պատճառը, ինչու էին կրակել նրան
