Բացահայտվել է երջանիկ ամուսնության «7–7–7» բանաձևը

Հարաբերությունների քոուչ Ջուլի Նգուենը բացահայտել է երկարատև և երջանիկ ամուսնության իր «7–7–7» կանոնը։ HuffPost-ին տված հարցազրույցում նա նշել է, որ զույգերը պետք է կարողանան միասին ժամանակ անցկացնել՝ միաժամանակ չճնշելով միմյանց մշտական ուշադրությամբ և չխրվել կենցաղային առօրյայի մեջ։

Նգուենի առաջարկած կանոնի համաձայն՝ զույգերը պետք է ժամադրության գնան յուրաքանչյուր յոթ օրը մեկ, յուրաքանչյուր յոթ շաբաթը մեկ կազմակերպեն կարճ համատեղ ուղևորություն, իսկ յուրաքանչյուր յոթ ամիսը մեկ՝ ավելի երկար արձակուրդ։ Փորձագետի խոսքով՝ նման պարբերականությունը օգնում է պահպանել հուզական կապը և ստեղծել նոր, ընդհանուր հիշողություններ։

Քոուչը ընդգծել է, որ ուղևորությունները պարտադիր չէ, որ թանկարժեք լինեն․ կարելի է պարզապես գնալ արշավի կամ մեքենայով մեկնել հարևան քաղաք։ Կարևորն այն է, որ զույգերը պարբերաբար դուրս գան առօրյա ռեժիմից և նոր փորձառություններ կիսեն միմյանց հետ։