Telegram-ի գործունեությունը ուսումնասիրվում է ահաբեկչությանն առնչվող գործի շրջանակում

Telegram-ի համահիմնադիր և գործադիր տնօրեն Պավել Դուրովի գործողությունները քննվում են ահաբեկչությանը նպաստելու վերաբերյալ քրեական գործի շրջանակում, գրում է «Российская газета»-ն՝ հղում անելով Ռուսաստանի ԱԴԾ-ի (FSB) նյութերին, հաղորդում է TASS-ը։

Թերթի տվյալներով՝ 2022 թվականից ի վեր Telegram-ի միջոցով արձանագրվել է ավելի քան 153 հազար հանցագործություն, որոնցից շուրջ 33 հազարը կապված են ահաբեկչական և ծայրահեղական գործողությունների հետ։ Նշվում է նաև, որ հատուկ ծառայությունները կանխել են 475 ահաբեկչական գործողություն, այդ թվում՝ դպրոցներում ծրագրված զանգվածային հարձակումներ։