Ճապոնիան նախատեսում է 2030թ-ին հակաօդային պաշտպանության ստորաբաժանումներ տեղակայել Թայվանի հարակից շրջանում

Ճապոնիայի կառավարությունը մտադիր է 2030 ֆինանսական տարում Յոնագունին կղզում տեղակայել միջին հեռահարության «Chu-SAM» տիպի հրթիռային համակարգերով զինված ստորաբաժանումներ, հայտարարել է երկրի պաշտպանության նախարարը։

Նրա խոսքով՝ ներկայումս իրականացվում են ենթակառուցվածքների վերանայման և այլ նախապատրաստական աշխատանքներ, սակայն տեղակայման ժամկետները կարող են փոփոխվել, հաղորդում է TASS-ը։

Յոնագունին կղզին գտնվում է Թայվանից մոտ 110 կմ հեռավորության վրա։ Այնտեղ Ճապոնիայի ինքնապաշտպանական ուժերի կայազոր է գործում 2016 թվականից։ Տարածաշրջանում լրացուցիչ ռազմական կարողությունների տեղակայման ծրագրերը նախկինում բազմիցս քննադատվել են Չինաստանի կողմից։