Անձրևների սեզոնը հեղեղել է փողոցները․ պիթոններ են հայտնվել բնակելի թաղամասերում
Աշխարհ
Ինդոնեզիայի Բալի կղզում սկսված անձրևների սեզոնը հանգեցրել է լայնածավալ ջրհեղեղների․ որոշ շրջաններում ջուրը հասել է ծնկից բարձր մակարդակի, իսկ բնակիչները փողոցներով տեղաշարժվում են նավակներով և սափ-բորդերով։ Տեղի ռուսաստանցիների փոխանցմամբ՝ վերջին երեք օրերին անձրևը գրեթե չի դադարել, ինչի հետևանքով Բադունգ գետը դուրս է եկել ափերից։
Առավել տուժած են Բադունգ, Ջեմբրանա և Գիանյար շրջանները, ինչպես նաև զբոսաշրջիկների շրջանում սիրված Կուտա և Սեմինյակ հանգստավայրերը։ Սանուրի ափամերձ հատվածում ջրի մակարդակը հասել է շուրջ 70 սանտիմետրի, իսկ Լեգիան լողափում հայտարարվել է տարհանում։ Իշխանությունները սահմանել են եղանակային վտանգի բարձրագույն մակարդակ։ Տեղացիները հայտնում են նաև, որ ջրի հետ միասին փողոցներում հայտնվել են պիթոններ, որոնք լողալով շարժվում են բնակելի տների հարակից տարածքներում՝ ապաստան փնտրելով։
Տեղեկությունների համաձայն՝ Բալիում ներկայումս գտնվում է շուրջ 18 հազար ռուս զբոսաշրջիկ և մոտ 35 հազար Ռուսաստանի քաղաքացի, որոնք մշտապես բնակվում են կղզում։ Մասնագետները նշում են, որ նման մասշտաբի ջրհեղեղներ վերջին 15 տարիներին չեն գրանցվել։
ՈՒՂԻՂ ԵԹԵՐ
Ամենադիտված 
Դերասանուհու որդին հիվանդանոցում մահացել է. որն էր եղել վեճի բուն պատճառը, ինչու էին կրակել նրան
