Ավստրալիայի վարչապետը ժամանակավորապես տարհանվել է՝ անվտանգության սպառնալիքի պատճառով

Ավստրալիայի վարչապետ Էնթոնի Ալբանեզը ժամանակավորապես տարհանվել է իր բնակավայրից` անվտանգության սպառնալիքի պատճառով, հայտնում է ABC News-ը։ Մի քանի ժամ անց նա վերադարձել է տուն, քանի որ հետաքննությամբ որևէ վտանգ չի հայտնաբերվել, գրում է Reuters-ը։

«Պաշտպանական տարածքը մանրակրկիտ զննվել է, կասկածելի որևէ բան չի հայտնաբերվել։ Ներկա պահին հանրային անվտանգությանը սպառնալիք չկա», – հաղորդում է Ավստրալիայի դաշնային ոստիկանությունը։