Պեկինը զգուշացրել է Վաշինգտոնին պատասխան քայլերի մասին

Չինաստանի Առևտրի նախարարությունը հայտարարել է, որ Պեկինը պատրաստ է պատասխան միջոցներ ձեռնարկել այն բանից հետո, երբ ԱՄՆ-ը սահմանել է 10 տոկոսանոց ներմուծման մաքսատուրքեր։ Գերատեսչության հայտարարության մեջ նշվում է, որ Չինաստանը «մանրամասն կգնահատի» ամերիկյան քայլերը և իրեն իրավունք է վերապահում պաշտպանել իր օրինական շահերը։

Չինական կողմը կրկնել է, որ դեմ է միակողմանի մաքսային սահմանափակումներին և կոչ է արել ԱՄՆ-ին չեղարկել լրացուցիչ սակագները։ Հայտարարության մեջ ընդգծվել է, որ Պեկինի և Վաշինգտոնի միջև համագործակցությունը շահավետ է երկու երկրների համար, մինչդեռ առևտրային դիմակայությունը վնասում է երկուստեք հարաբերություններին և գլոբալ տնտեսությանը։

ԱՄՆ նախագահ Դոնալդ Թրամփը վերջերս կարգադրել է սահմանել 10 տոկոսանոց բազային մաքսատուրքեր աշխարհի բոլոր երկրների նկատմամբ։ Ավելի վաղ նա խստացրել էր առևտրային քաղաքականությունը Կանադայի, Մեքսիկայի և Չինաստանի ուղղությամբ, ինչպես նաև բարձրացրել էր պողպատի, ալյումինի և մի շարք այլ ապրանքների մաքսատուրքերը։ Վաշինգտոնի և Պեկինի միջև առևտրային լարվածությունը շարունակում է խորանալ։