Իշխանության հույսը բոլորին որպես Ռուսաստանի գործակալ ներկայացնելն է. «Հրապարակ»
Հայկական Մամուլ
«Հրապարակ» օրաթերթը գրում է. Իշխանության ներկայացուցիչները վերջին մեկ շաբաթն օրնիբուն խոսում են հունիսի 7-ի ընտրություններում «Գյումրի 2»՝ ընդդիմադիր ուժերի հետընտրական միավորում թույլ չտալու մասին եւ հատկապես շեշտում են, որ ընդդիմության թեկնածուն լինելու է Ռոբերտ Քոչարյանը։ Իշխանական աղբյուրը խոստովանեց, որ հատուկ ծառայությունների ներքին հարցումների արդյունքներով՝ իշխանությունը պարտվում է միասնական ընդդիմությանը, ուստի այլ բան չի մնում, քան բոլորին որպես Ռուսաստանի գործակալ ներկայացնելը եւ «Ռոբերտ Քոչարյան-վարչապետ» բոբոյով վախեցնելը, մանավանդ, որ չկարողացան Սամվել Կարապետյանին նախկինների շարքին դասել:
Հույսը մնացել է Ռոբերտ Քոչարյանի հակառեյտինգը, որ մարդիկ իմանան` ում էլ ձայն տան, վերջում Քոչարյանն է դառնալու վարչապետ, իսկ նրա վերադարձը հանրության մեծ զանգված չի ուզում, ուստի այդ ենթադրյալ վախից կգնան ու նորից ՔՊ-ին ձայն կտան, ինչպես արեցին 2021-ին։ Ի դեպ, պետական ապարատում միլիոնավոր դրամների պարգեւավճարներ բաժանելուց հետո իշխանության ներքին հարցումներն արձանագրել են, որ իրենք վարկանիշի մի քանի նիշ անկում են ունեցել:
ՈՒՂԻՂ ԵԹԵՐ
Ամենադիտված 
Մահացել է երգիչ Հովհաննես Գրիգորյանը
