Politico. ԵՄ-ն ճնշում չի գործադրի Հունգարիայի վրա Ուկրաինային օգնություն տրամադրելու հարցում ընտրություններից առաջ

ԵՄ առաջնորդները դժկամությամբ են ճնշում գործադրում Հունգարիայի վրա՝ Ուկրաինային 90 միլիարդ եվրո հատկացնելու համար, մինչդեռ վարչապետ Վիկտոր Օրբանը քարոզարշավ է անցկացնում նախագահական ընտրություններում։ Այս մասին հաղորդել է եվրոպական Politico հրատարակությունը՝ հղում անելով աղբյուրներին։

Թերթը նախկինում հաղորդել էր, որ Օրբանը պաշտոնապես տեղեկացրել է Եվրոպական խորհրդի նախագահ Անտոնիո Կոշտային Կիևին 90 միլիարդ եվրոյի ֆինանսավորման փաթեթը արգելափակելու իր որոշման մասին՝ ի պատասխան Ուկրաինայի «անհիմն թշնամանքի»։

«Օրբանի վրա ճնշում գործադրելը, մինչ նա քարոզարշավ է անցկացնում, գուցե ամենախելացի քայլը չէ», - հայտարարել է անանուն եվրոպացի դիվանագետը։

Հրապարակումը նշել է, որ ԵՄ-ն կարող է զրկել Հունգարիային քվեարկության իրավունքից՝ կիրառելով ԵՄ պայմանագրի 7-րդ հոդվածը, որը ամենալուրջ քաղաքական պատժամիջոցն է, սակայն դա «կարող է օգտակար լինել Օրբանի համար նախընտրական քարոզարշավի ժամանակ»։