Ուկրաինական բանակը դժգոհ է արևմտյան արտադրության անօդաչու թռչող սարքերից

Ուկրաինական զինված ուժերը դժգոհ են Եվրոպայում և ԱՄՆ–ում արտադրած անօդաչու թռչող սարքերից (UAV), քանի որ շատերը չեն համապատասխանում ժամանակակից մարտական պայմաններին և չեն դիմանում էլեկտրոնային պայքարի համակարգերին, հայտնում է TASS՝ հղում անելով Euractiv լրատվամիջոցին:

Ուկրաինայի զինված ուժերի 412-րդ «Nemesis» անօդաչու ստորաբաժանման շտաբի ղեկավարը նշել է, որ 2023–2024 թվականներին օգտագործված մոտ 50 թռիչք կատարած անօդաչուներից ոչ մեկը չի կարողացել անցնել առաջնագիծը։ Նա նաև հավելել է, որ Ուկրաինայի դաշնակիցները չեն հասկանում, թե որքան արագ է փոխվում իրավիճակը պատերազմի ժամանակ, իսկ եվրոպական բյուրոկրատիան կաշկանդում է ռազմական օգնության լիակատար տրամադրումը։

Ռուսաստանը բազմիցս հայտարարել է, որ Ուկրաինային զենքերով աջակցելու փորձերը միայն երկարացնում են զինված հակամարտությունը։