18 տարվա ամուսնությունից հետո՝ Գալուստյանի նոր սերը

Ռուս հայտնի հումորիստ և հեռուստահաղորդավար Միխայիլ Գալուստյանը խոսել է իր անձնական կյանքի մասին՝ ապրիլին հայտնի դարձած ամուսնալուծությունից հետո։ Ինչպես հայտնում է StarHit-ը, արտիստը հերքել է այն կարծիքը, թե տարիքի հետ սիրահարվելը բարդանում է՝ ընդգծելով, որ «սերը բոլոր տարիքներին է ենթակա» և հավելել է, որ իր սիրտը ներկայումս զբաղված է։

Գալուստյանը նշել է, որ այս տարի մտադիր է կենտրոնանալ հատկապես իր անձնական կյանքի և զգացմունքների վրա, սակայն նոր ընտրյալի անունը չի հրապարակել։ Նրա խոսքով՝ այս փուլում իր համար առաջնայինը ներքին ներդաշնակությունն ու հարաբերություններն են։

Հիշեցնենք, որ 2025 թվականի ապրիլին հայտնի դարձավ, որ Գալուստյանը և նրա կինը՝ Վիկտորիա Շտեֆանեց, բաժանվել են 18 տարվա համատեղ կյանքից հետո։ Զույգը ամուսնացել էր 2007 թվականին և ունի երկու դուստր՝ Էստելլա և Էլինա։ Ավելի վաղ նա նշել էր, որ բաժանումը տեղի է ունեցել փոխադարձ հարգանքի պայմաններում, և նրանք պահպանել են բարեկամական հարաբերություններ։