Ճապոնիայում գրանցվել է 5,2 մագնիտուդով երկրաշարժ

Ճապոնիայում գրանցվել է 5,2 մագնիտուդով երկրաշարժ։ Ինչպես տեղեկացնում է European-Mediterranean Seismological Centre-ը, ստորգետնյա ցնցումները արձանագրվել են երկրի Սիկոկու կղզում տեղական ժամանակով ժամը 18:07-ին։

Սեյսմոլոգների տվյալներով՝ էպիկենտրոնը գտնվել է Նակամուրա շրջանից մոտ 98 կիլոմետր հարավ, որտեղ բնակվում է շուրջ 34,5 հազար մարդ։ Օջախը տեղակայված է եղել 10 կիլոմետր խորության վրա։ Այս պահին ավերածությունների կամ տուժածների մասին տեղեկություններ չեն հաղորդվում։

Նախօրեին ևս երկրաշարժ էր գրանցվել Կամչատկայի ափերի մոտ․ դրա մագնիտուդը գնահատվել էր 4,9։