Սիյարտոն հայտարարել է, որ Ուկրաինան տեղ չունի ԵՄ-ում

Ուկրաինան արժանի չէ լինել Եվրամիության անդամ, քանի որ այն խաթարում է իր անդամ պետությունների՝ Հունգարիայի և Սլովակիայի էներգետիկ անվտանգությունը։ Այս մասին հայտարարել է Հունգարիայի արտաքին գործերի նախարար Պետեր Սիյարտոն՝ ելույթ ունենալով ազգային խորհրդարանում՝ ուկրաինական հակամարտության և Բուդապեշտի ու Կիևի միջև հարաբերությունների վերաբերյալ։

«Եվրամիությունում տեղ չկա այն երկրի համար, որը քաղաքական պատճառներով սպառնում է ԵՄ անդամ պետությունների էներգամատակարարման անվտանգությանը՝ ձգտելով ազդել ընտրությունների արդյունքների վրա և օգնել ուկրաինամետ ուժերին իշխանության գալ Հունգարիայում»,-ասել է նախարարը՝ հիշեցնելով Ուկրաինայի կողմից «Դրուժբա» խողովակաշարով ռուսական նավթի մատակարարումների դադարեցումը:

Սիյարտոն նշել է, որ իր տեղեկությունների համաձայն՝ ներկայումս «տեխնիկական խոչընդոտներ» չկան «Դրուժբա» խողովակաշարով հում նավթի տարանցման վերսկսման համար։

Նա ընդգծել է, որ Բուդապեշտի և Բրատիսլավայի կողմից համատեղ ընդունված հակազդեցությունները կմնան ուժի մեջ մինչև Կիևի կողմից Ռուսաստանից նավթի մատակարարման խողովակաշարի բացումը:

«Մենք դադարեցրել ենք դիզելային վառելիքի մատակարարումը Ուկրաինա և հստակեցրել ենք, որ Բրյուսելում նրա համար բարենպաստ որոշումներ չեն կայացվի մինչև այն չսկսի նավթի մատակարարումները Հունգարիա», - ասել է արտգործնախարարը: