Բեերբոք. ԱՄՆ-ը ցանկանում էր Ուկրաինայի վերաբերյալ բանաձևից հանել «արդար խաղաղության» կետը
Աշխարհ
ՄԱԿ-ի Գլխավոր ասամբլեայի (ՄԱԳԱ) նախագահ և Գերմանիայի նախկին արտգործնախարար Աննալենա Բերբոքը պնդել է, որ ամերիկյան պատվիրակությունը ցանկացել է Ուկրաինայի վերաբերյալ հակառուսական բանաձևից հանել «արդար խաղաղության» անհրաժեշտության մասին դրույթները: Այս հայտարարությունն արել է ARD հեռուստաալիքի եթերում։
Նա նշել է, որ Միացյալ Նահանգները «մինչ օրս միշտ քվեարկել է այս բանաձևի օգտին» և առաջին անգամ ձեռնպահ է մնացել: ՄԱԿ-ի Գլխավոր ասամբլեայի նախագահի խոսքով՝ այժմ ինքը «պետք է ինչ-որ կերպ «մարսի» ամերիկյան կողմի այս գործողությունները, որը «դիտավորյալ ջնջել է» մի շարք հակառուսական կոչեր փաստաթղթի նախագծից»։
Երեքշաբթի օրը 12 երկիր, այդ թվում՝ Ռուսաստանը, Բելառուսը, Իրանը և Հյուսիսային Կորեան, քվեարկել են Կիևի կողմից պատրաստված փաստաթղթի դեմ, մինչդեռ 107-ը քվեարկել են կողմ:
Հիսունմեկ պետություն ձեռնպահ է մնացել, այդ թվում՝ Հայաստանը, Բրազիլիան, Հունգարիան, Ղազախստանը, Սերբիան, Միացյալ Նահանգները և Ուզբեկստանը: Անվտանգության խորհրդի բանաձևերից տարբերվող ՄԱԿ-ի Գլխավոր ասամբլեայի բանաձևերը իրավաբանորեն պարտադիր չեն:
ՈՒՂԻՂ ԵԹԵՐ
Ամենադիտված 
Ավտոմեքենայում հայտնաբերվել է առողջապահության նախկին նախարար, վիրաբույժ Գագիկ Ստամբուլցյանի մարմինը
