Բերբոքը սխալմամբ Գրենլանդիան անվանել է ԵՄ մաս

ՄԱԿ-ի Գլխավոր ասամբլեայի նախագահ և Գերմանիայի նախկին արտգործնախարար Աննալենա Բերբոքը սխալմամբ հայտարարել է, որ Գրենլանդիան Եվրամիության մաս է կազմում։

ARD հեռուստաալիքի եթերում նա պնդել է, որ եթե ամերիկացիներին սկզբից չասվեր, որ «Գրենլանդիան նաև ԵՄ տարածք է», ԱՄՆ-ում շատերը չէին իմանա։ Բերբոքը հայտնել է, որ Դավոսում Համաշխարհային տնտեսական ֆորումի շրջանակներում առաջատար համաշխարհային կորպորացիաների ղեկավարները, իբրև, հարցրել են իրեն, թե ինչու է կղզին այդքան կարևոր Եվրոպայի համար։ «Կարծես թե նրանք կիմանան, նրանք գործում են եվրոպական շուկայում», - ասել է Բերբոկը։

Հաղորդողը ուղղել է նախկին նախարարին՝ նշելով, որ Գրենլանդիան ԵՄ տարածք չէ։

«Բայց գրենլանդացիները ԵՄ քաղաքացիներ են, ուստի, նրանք նաև արտաքին սահման ունեն ԵՄ-ի հետ», - պատասխանել է Բերբոկը։ Սա, նրա կարծիքով, այն պատճառն է, որ եվրոպական զորքեր են ուղարկվել այնտեղ։

Գրենլանդիան Դանիայի ինքնավար տարածք է։ Նրա բնակիչները դանիացի քաղաքացիներ են և, հետևաբար, Եվրամիության քաղաքացիներ։ Սակայն 1985 թվականին Գրենլանդիան դուրս եկավ Եվրոպական տնտեսական համայնքից՝ ԵՄ-ին նախորդող կազմակերպությունից, մինչդեռ Դանիան մնաց անդամ։

Հետևաբար, Գրենլանդիան ԵՄ անդամ չէ, ոչ էլ Եվրոպական ներքին շուկայի կամ մաքսային միության մաս է կազմում։ ԵՄ օրենսդրությունը նույնպես չի տարածվում դրա վրա։ Գրենլանդիան համարվում է արտասահմանյան տարածք, ինչպես Նոր Կալեդոնիան։