Google-ը խափանել է Չինաստանի հետ կապ ունեցող կիբերհանցագործների գործունեությունը

REUTERS–ի հաղորդմամբ, Google-ը փետրվարի 25-ին հայտարարեց, որ խափանել է UNC2814 կամ «Gallium» անվանվող կիբերհանցագործ խմբի գործունեությունը, որը վերջին մոտ տաս տարիներին ներխուժել է առնվազն 53 կազմակերպություններ 42 երկրներում:

Google-ի վերլուծաբանները նշում են, որ խմբի գործողությունները համապարփակ լրտեսություն էին՝ նպատակ ունենալով հավաքել տվյալներ մարդկանց և կազմակերպությունների մասին ամբողջ աշխարհում: Խումբը օգտագործում էր Google Sheets՝ թաքցնելով իր գործունեությունը և խուսափելով հայտնաբերումից:

Google-ը դադարեցրել է խմբի վերահսկողության տակ գտնվող Google Cloud նախագծերը, անջատել է ինտերնետային ենթակառուցվածքները և հաշիվները, որոնք խմբի անդամներն օգտագործում էին տվյալների հասանելիության համար: