«Պետք է բարձրաձայնել խնդիրները, սակայն սրտացավությամբ՝ առանց ատելություն սերմանելու բանակի հանդեպ». Աղվան Վարդանյան

Խոսելով մեր բանակի ներկայի և դրա լուսաբանման մասին՝ Վարդան Դևրիկյանն ասաց, որ իր համար ընդունելի է ցանկացած քննադատություն, եթե այն ներսի մարդու սրտացավությամբ է արվում, ոչ թե թերություն արձանագրելու ուրախությամբ։ «Ցանկացած թերության արձանագրումն առողջացման է բերում, բայց կարծում եմ, որ հոբելյանի օրերն արժևորման օրեր պիտի լինեն»,-ասաց նա։

«Հրաշալի կլիներ, որ այսօրվա հասարակությունը նույնքան ջերմ վերաբերվեր բանակին, նույն ոգին, ընկալումը լիներ, բայց, ցավոք, այդպես չէ: Հաճախ մեզ փորձում են համոզել, որ բանակը հենց հասարակության հայելային պատկերն է: Համաձայն չեմ, որովհետեւ բանակն այլ օրենքներ ունի, կազմակերպվածություն ունեցող կառույց է, չի կարող այն, ինչ կա հասարակությունում, նույնությամբ բանակում կրկնվել»,-ասաց Աղվան Վարդանյանը։

Բանակի հետ կապված նախորդ տարվա վիճակագրական տվյալներում նկատելի բարելավումները Աղվան Վարդանյանը կապեց նաև լրագրողների ակտիվ լուսաբանման հետ։ Նա ասաց, որ պետք է խոսել ու բարձրաձայնել բանակի խնդիրները, սակայն խոսել փաստերով, սրտացավությամբ, առանց չարախնդալու, թունավորելու, ատելություն սերմանելու բանակի հանդեպ: «Չավարտված պատերազմի պայմաններում պարտավոր ենք ուժեղ, կազմակերպված, հնարավորինս անբասիր բանակ ունենալ»,-ասաց նա։