Ռուս գիտնականը հերքել է «գեր» բևեռային արջերի մասին լուրերը

Ֆրանց Յոզեֆի Երկրի շրջանում բևեռային արջերի «գերացման» մասին տեղեկությունները չեն հաստատվում։ Այս մասին ՌԻԱ Նովոստիին հայտնել է կենսաբանական գիտությունների թեկնածու, ՌԴ ԳԱԱ Ա. Ն. Սևերցովի անվան Էկոլոգիայի և էվոլյուցիայի խնդիրների ինստիտուտի առաջատար գիտաշխատող Իլյա Մորդվինցևը։ Նրա խոսքով՝ ռուս գիտնականները տարիներ շարունակ ուսումնասիրում են արշիպելագի բևեռային արջերի պոպուլյացիան և չեն արձանագրել կենդանիների կերակրվածության մակարդակի փոփոխություն։

Մորդվինցևը նշել է, որ 2010-2024 թվականների ընթացքում «կերակրվածության ինդեքսի» առումով որևէ էական տեղաշարժ չի գրանցվել՝ հակառակ նորվեգացի որոշ մասնագետների եզրակացությունների։ Ըստ նրա՝ ուսումնասիրությունները հիմնականում անցկացվում են գարնանը, երբ էգերը դուրս են գալիս ծննդաբներից ձագերին կերակրելուց հետո և բնականաբար չեն կարող չափազանց կերակրված տեսք ունենալ։

Գիտնականը հավելել է, որ արուները ակտիվ են ամբողջ տարվա ընթացքում, սակայն նրանց շրջանում ևս ավելորդ քաշ ունեցող առանձնյակներ չեն նկատվել։ Ավելի վաղ հաղորդվել էր, որ Ռուսաստանի կենդանաբանական այգիներում կապիբարաների պակաս է արձանագրվել՝ վերջին շրջանում կենդանիների նկատմամբ աճած հետաքրքրության պատճառով։