Սպասվում են տեղումներ, լեռնային շրջաններում՝ բուք

Հանրապետության տարածքում փետրվարի 26-ի ուշ երեկոյան, 27-ին և 28-ին շրջանների մեծ մասում, մարտի 1-ին առանձին շրջաններում սպասվում են տեղումներ, լեռնային շրջաններում՝ բուք, ցածր հորիզոնական տեսանելիություն։

Փետրվարի 26-ի երեկոյան լեռնային և նախալեռնային շրջաններում տեղումները կլինեն ձյան, հովտային շրջաններում՝ թաց ձյան և ձնախառն անձրևի տեսքով։ Փետրվարի 27-ին և 28-ին ամբողջ հանրապետությունում տեղումները կլինեն ձյան տեսքով, առանձին հովտային շրջաններում՝ ձնախառն անձրևի տեսքով: Փետրվարի 27-ին առանձին վայրերում տեղումները կլինեն առատ։ Մարտի 2-ին սպասվում է առանց տեղումների եղանակ։

Քամին հարավարևմտյան է` 2-5 մ/վ։ Օդի ջերմաստիճանը փետրվարի 26-ի ցերեկը, 27-ին և 28-ին աստիճանաբար կնվազի 8-12 աստիճանով:

Երևանում փետրվարի 26-ին սպավում է անձրև։ Փետրվարի 26-ին սպասվում է քամու ուժգնացում՝ 18-23 մ/վ արագությամբ։ Փետրվարի 27-ին և 28-ին, մարտի 1-ի գիշերն սպասվում են տեղումներ․ գիշերը՝ ձյան, ցերեկը՝ ձնախառն անձրևի տեսքով։ Մարտի 1-ի ցերեկը, 2-ին սպասվում է առանց տեղումների եղանակ։