Օրբանը Զելենսկիին մեղադրել է Հունգարիային Ուկրաինայի հակամարտության մեջ ներքաշելու փորձի մեջ
Աշխարհ
Հունգարիայի վարչապետ Վիկտոր Օրբանը մեղադրել է Վլադիմիր Զելենսկուն իր երկիրը Ուկրաինայի հակամարտության մեջ ներքաշելու փորձի մեջ։ Այս մասին ասվում է Զելենսկուն ուղղված բաց նամակում, որի տեքստը հրապարակվել է X-ում։
«Չորս տարի շարունակ դուք աշխատել եք Հունգարիան ներքաշելու ձեր երկրի և Ռուսաստանի միջև պատերազմի մեջ։ Այս ընթացքում դուք ստացել եք Բրյուսելի աջակցությունը և ապահովել հունգարական ընդդիմության աջակցությունը։
Մենք նաև տեսնում ենք, որ դուք, Բրյուսելը և հունգարական ընդդիմությունը համակարգում եք ջանքերը՝ Հունգարիայում իշխանության գլուխ ուկրաինամետ կառավարություն հաստատելու համար», - ասել է Օրբանը։
«Վերջին օրերին դուք փակել եք «Դրուժբա» նավթամուղը, որը կարևոր է Հունգարիայի էներգամատակարարման համար»։ Հունգարիայի վարչապետը շեշտել է, որ Զելենսկու գործողությունները հակասում են Բուդապեշտի շահերին և «վտանգի տակ են դնում հունգարական ընտանիքների հուսալի և մատչելի էներգամատակարարումը»։
«Կոչ եմ անում ձեզ անհապաղ վերսկսել «Դրուժբա» խողովակաշարի աշխատանքը և զերծ մնալ Հունգարիայի էներգետիկ անվտանգության վրա հետագա հարձակումներից», - հայտարարել է Օրբանը։
ՈՒՂԻՂ ԵԹԵՐ
Ամենադիտված 
Հայաստանը և Ադրբեջանը տարածքների փոխանակում պետք է իրականացնեն. Փաշինյան
