Իրանը և ԱՄՆ-ն հաղորդագրություններ են փոխանակում Օմանի և Գրոսիի միջոցով

Իրանը և ԱՄՆ-ը Ժնևյան բանակցություններում Օմանի և ԱԷՄԳ-ի գլխավոր տնօրեն Ռաֆայել Գրոսիի միջոցով հաղորդագրություններ են փոխանակում, կատարյան «Ալ-Ջազիրա» հեռուստաալիքին հայտնել է իրանական աղբյուրը։

«Իրանը և ԱՄՆ-ն կարծիքներ են փոխանակում Օմանի և Գրոսիի միջնորդության շնորհիվ», - հեռուստաալիքին ասել է իրանական աղբյուրը։
Իրանը պատրաստ է շարունակել միջուկային բանակցությունները ԱՄՆ-ի հետ այնքան ժամանակ, որքան անհրաժեշտ է, ավելի վաղ հայտարարել էր Իրանի արտաքին գործերի նախարարության խոսնակ Էսմայիլ Բաղային։

Բաղային ընդգծել է, որ բանակցությունները կենտրոնացած են միջուկային հարցերի, Իրանի կողմից միջուկային էներգիայի խաղաղ նպատակներով օգտագործման և պատժամիջոցների վերացման վրա, և որ ներգրավված կողմերը կքննարկեն մանրամասները։ Նա նաև նշել է, որ ԱՄՆ-ի հակասական հայտարարությունները չեն օգնում բանակցային գործընթացին։