«Դատաստանի օրվա ռադիոկայանը» նոր գաղտնագրում է փոխանցել․ եթերում հնչել է «մայնոստյագ» բառը

«УВБ-76» կարճալիքային ռադիոկայանի եթերում կրկին հնչել է խորհրդավոր հաղորդագրություն։ Այս մասին տեղեկացնում է «УВБ-76 լոգեր» տելեգրամյան ալիքը, որը հետևում է կայանի հեռարձակումներին։ Նոր փոխանցումը սկսվել է Մոսկվայի ժամանակով ժամը 12:32-ին և պարունակել է նախկինում չհանդիպած «մայնոստյագ» բառը։

Հաղորդագրության ամբողջական ձևակերպումը եղել է՝ «НЖТИ 32441 МАЙНОСТЯГ 7202 6932»։ Նշվում է, որ «մայնոստյագ» բառը նախորդ հեռարձակումներում չի արձանագրվել, ինչը կրկին ակտիվացրել է քննարկումները ռադիոսիրողների և սոցիալական ցանցերի օգտատերերի շրջանում։

«УВБ-76»-ը գործում է 1976 թվականից և կարճալիքային ալիքով հեռարձակում է տարբեր ազդանշաններ ու կոդավորված հաղորդագրություններ։ Ռադիոսիրողների շրջանում այն հայտնի է որպես «բզզացող»՝ եթերում մշտական աղմուկի և բնորոշ բզզոցի պատճառով։ Կայանի փոխանցումները հաճախ կապվում են միջազգային իրադարձությունների հետ, թեև դրանց իրական նշանակությունը պաշտոնապես երբևէ չի բացահայտվել։