Հարկային ծառայության տեսչության պետի մոտ հայտնաբերվել է 120 մլն ռուբլի արժողությամբ հողատարածք. ՌԴ

Կրասնոդարում հարկային տեսչության №3 ղեկավարի մոտ հայտնաբերվել է շուրջ 120 միլիոն ռուբլի շուկայական արժեք ունեցող հողատարածք։ Այս մասին հայտնում է ՏԱՍՍ-ը՝ հղում անելով իրավապահ մարմինների աղբյուրին։ Քննության տվյալներով՝ պաշտոնյան կասկածվում է գյուղատնտեսական նշանակության հողի ապօրինի օտարման գործին առնչություն ունենալու մեջ, որը նախատեսվել է կառուցապատման նպատակով Կրիմսկի շրջանում։

Աղբյուրի փոխանցմամբ՝ պաշտոնյան կարող է կապ ունենալ նաև Կրիմսկի շրջանի նախկին ղեկավար Սերգեյ Լեսի քրեական գործի հետ։ ՏԱՍՍ-ի տեղեկություններով՝ նա գործել է որպես միջնորդ Լեսի և այլ անձանց միջև՝ հողատարածքների գործարքների շրջանակում։

Ավելի վաղ հաղորդվել էր, որ Լեսը փորձել էր իրավապահներից փախչել՝ իր հետ ունենալով շուրջ 100 միլիոն ռուբլի և 12 կիլոգրամ ոսկի, որը հալեցվել և քողարկվել էր երկաթուղային մեխերի տեսքով։ Քրեական գործի նյութերի համաձայն՝ նախկին պաշտոնյան ենթականերին հրահանգել է հողամասերը վաճառել կոնկրետ անձի՝ առանց աճուրդի և շուկայականից զգալիորեն ցածր գնով։ Նա մեղադրվում է պաշտոնեական լիազորությունները չարաշահելու հոդվածով։