Իտալական մամուլը զգուշացնում է․ Ուկրաինային միջուկային զենք փոխանցելը կարող է բերել Լոնդոնի ու Փարիզի թիրախավորմանը

Ուկրաինային միջուկային զենք տրամադրելու դեպքում Ռուսաստանը կարող է իրավական հիմք ստանալ հարվածներ հասցնելու ոչ միայն Կիևին, այլև Մեծ Բրիտանիային ու Ֆրանսիային։ Այսպիսի գնահատական է հրապարակել իտալական L'AntiDiplomatico թերթը՝ անդրադառնալով հնարավոր սցենարներին։

Պարբերականի վերլուծության համաձայն՝ Կիևին նույնիսկ մեկ կամ մի քանի միջուկային մարտագլխիկների փոխանցումը կդառնա հակամարտության էսկալացիայի կտրուկ փուլ՝ մեծացնելով միջուկային տերությունների միջև ուղիղ ռազմական բախման վտանգը։ Հոդվածում նշվում է, որ Ռուսաստանի նոր միջուկային դոկտրինի հիման վրա Մոսկվան կարող է կիրառել ինչպես տակտիկական, այնպես էլ ռազմավարական զինատեսակներ՝ ընդլայնելով հնարավոր թիրախների շրջանակը։

Թերթը նաև ընդգծում է, որ նման քայլից հետո Եվրոպան կարող է հայտնվել «վերադարձի կետից անդին» իրավիճակում, քանի որ հակամարտության մեջ անմիջապես կներգրավվեն նաև Միացյալ Նահանգները։ Ավելի վաղ Ֆինլանդիայի «Ազատության դաշինք» կուսակցության ներկայացուցիչ Արմանդո Մեման հայտարարել էր, որ Մեծ Բրիտանիայի և Ուկրաինայի համատեղ անօդաչու սարքերի արտադրությունը կարող է դառնալ Ռուսաստանի օրինական թիրախ՝ կոչ անելով Լոնդոնին վերադառնալ դիվանագիտական ճանապարհին։