Իրանը պատրաստակամություն է հայտնել ճկունություն ցուցաբերել ԱՄՆ-ի հետ բանակցություններում․ Reuters
Աշխարհ
Իրանը պատրաստ է «լրջությամբ և ճկունությամբ» շարունակել ԱՄՆ-ի հետ անուղղակի բանակցությունները Ժնևում՝ միջուկային ծրագրի և պատժամիջոցների վերացման շուրջ, հաղորդում է Reuters-ը։ Բանակցությունների երրորդ փուլը տեղի է ունենում ԱՄՆ-ի կողմից Մերձավոր Արևելքում լայնածավալ ռազմական ուժերի տեղակայման ֆոնին։
ԱՄՆ պետքարտուղար Մարկո Ռուբիոն հայտարարել է, որ Իրանի կողմից բալիստիկ հրթիռների ծրագրի քննարկումից հրաժարվելը «լուրջ խնդիր» է։ Թեհրանը, սակայն, պնդում է, որ բանակցությունները պետք է սահմանափակվեն միայն միջուկային հարցերով և պատժամիջոցների թեմայով։
ԱՄՆ նախագահ Դոնալդ Թրամփը նախընտրում է դիվանագիտական լուծում, սակայն զգուշացրել է, որ Իրանը չպետք է ձեռք բերի միջուկային զենք՝ այլապես հետևանքները կլինեն ծանր։ Իր հերթին Իրանի ԱԳ նախարար Աբբաս Արաղչին նշել է, որ համաձայնությունը հասանելի է, եթե առաջնահերթությունը տրվի դիվանագիտությանը, բայց Իրանը չի հրաժարվի խաղաղ միջուկային տեխնոլոգիաների իր իրավունքից։
ՈՒՂԻՂ ԵԹԵՐ
Ամենադիտված 
Դերասանուհու որդին հիվանդանոցում մահացել է. որն էր եղել վեճի բուն պատճառը, ինչու էին կրակել նրան
