Սոբյանինը հայտնել է Մոսկվայի ուղղությամբ երրորդ անօդաչուի խոցման մասին

Մոսկվայի քաղաքապետ Սերգեյ Սոբյանինը հայտարարել է, որ մայրաքաղաքի ուղղությամբ շարժվող ևս մեկ անօդաչու թռչող սարք է խոցվել։ Նրա խոսքով՝ սա օրվա ընթացքում արդեն երրորդ անօդաչուն է, որը ոչնչացվել է Մոսկվայի մերձակայքում։

«Խոցվել է մեկ անօդաչու սարք, որը թռչում էր դեպի Մոսկվա։ Արտակարգ ծառայությունների մասնագետները աշխատում են բեկորների ընկնելու վայրում», — գրել է Սոբյանինը իր տելեգրամյան ալիքում։ Քաղաքապետը այլ մանրամասներ չի ներկայացրել։

Ավելի վաղ նա հայտնել էր ևս երկու անօդաչու սարքի խոցման մասին։ Ռուսական կողմի տվյալներով՝ փետրվարի 25-ի լույս 26-ի գիշերը հակաօդային պաշտպանության համակարգերը ոչնչացրել են ընդհանուր առմամբ 17 ուկրաինական անօդաչու սարք՝ Բրյանսկի, Տուլայի, Կալուգայի, Բելգորոդի և Վորոնեժի մարզերում, ինչպես նաև Սև և Ազովի ծովերի ջրատարածքներում։