Լայնածավալ գործադուլներ Գերմանիայում

Գերմանիայում փետրվարի 27–ին և 28–ին դադարեցվել են ավտոբուսների և տեղական երկաթուղիների երթևեկությունը, քանի որ աշխատողները մասնակցել են «Verdi» հանրային ոլորտի միության կազմակերպած գործադուլին, հայտնում է REUTERS-ը։

Միությունը նպատակ ունի ուժեղացնել իր դիրքերը բանակցություններում, որոնք վերաբերում են  աշխատանքային պայմաններին, հերթափոխային և գիշերային աշխատանքի հավելավճարներին, ինչպես նաև աշխատավարձերին։ Մասնակի պահանջները նահանգների առանձին օրենքներից կախված են։ Այս պահին բանակցությունները ներառում են մոտ 150 ավտոբուսային և տեղական երկաթուղային ընկերություններ՝ շուրջ 100,000 աշխատակից, ներառյալ Բեռլինն ու Համբուրգը։