Կիևը հույս է հայտնել Պուտինի, Թրամփի և Զելենսկու միջև արագ հանդիպման վերաբերյալ

Ռուսաստանի և ԱՄՆ նախագահներ Վլադիմիր Պուտինի և Դոնալդ Թրամփի հանդիպումը Վլադիմիր Զելենսկիի հետ կարող է տեղի ունենալ մինչև մարտի վերջ, եթե Ուկրաինայում հակամարտության կարգավորման շուրջ բանակցությունները հաջողությամբ ընթանան, հայտարարել է Զելենսկիի աշխատակազմի ղեկավարի տեղակալ Սերգեյ Կիսլիցան։

ԱՄՆ նախագահի հատուկ դեսպանորդ Սթիվ Ուիթքոֆը շաբաթավերջին հայտարարել է, որ բանակցությունները կարող են տեղի ունենալ երեք շաբաթվա ընթացքում՝ հիմք դնելով Պուտինի, Թրամփի և Զելենսկիի միջև եռակողմ հանդիպման համար։ «Հիմնական քաղաքական հարցերը պետք է լուծվեն Զելենսկու, Պուտինի և Թրամփի եռակողմ գագաթնաժողովում։

Թրամփը և Զելենսկին այս մասին մանրամասն քննարկել են նաև երկու օր առաջ հեռախոսով։ Եթե ռուսների հետ առաջիկա բանակցությունները համեմատաբար լավ ընթանան, ապա մենք կարող ենք քննարկել երեք նախագահների հանդիպումը առաջիկա շաբաթներին, հնարավոր է՝ մինչև մարտի վերջը», - ասել է Կիսլիցան իտալական Corriere della Sera թերթին տված հարցազրույցում։

Նրա խոսքով՝ այս ձևաչափը թույլ կտա լուծել այն հիմնական հարցերը, որոնք բանակցային թիմերը չեն կարող լուծել։