Հնդկաստանը պատրաստվում է լավագույն առևտրային գործարքը կնքել Թրամփի հետ

Հնդկաստանը նպատակ ունի Միացյալ Նահանգների հետ կնքել առավել շահավետ առևտրային համաձայնագիր՝ մրցակիցների նկատմամբ առավելություն ապահովելու համար։ Այս մասին հայտարարել է երկրի առևտրի նախարար Պիյուշ Գոյալը՝ փոխանցում է Reuters-ը։ Նրա խոսքով՝ Նյու Դելին ուշադիր կհետևի Սպիտակ տան մաքսային քաղաքականությանը և միայն հետո կկայացնի վերջնական որոշումներ։

Հայտարարությունը հնչել է այն բանից հետո, երբ Գոյալը անսպասելի հանդիպում է ունեցել ԱՄՆ առևտրի նախարար Հովարդ Լութնիկի հետ՝ վերջինիս մասնավոր այցի շրջանակում։ Քննարկումների մանրամասները պաշտոնապես չեն հրապարակվել, սակայն կողմերը նշել են համագործակցության ընդլայնման հետաքրքրությունը։

Ավելի վաղ ԱՄՆ նախագահ Դոնալդ Թրամփը նախազգուշացրել էր գործընկեր երկրներին չհրաժարվել վերջերս կնքված առևտրային համաձայնագրերից՝ այն բանից հետո, երբ ԱՄՆ Գերագույն դատարանը անօրինական էր ճանաչել միջազգային արտակարգ տնտեսական լիազորությունների մասին օրենքի հիմքով սահմանված մաքսերը։ Թրամփը հայտարարել էր բոլոր երկրների, այդ թվում՝ Հնդկաստանի նկատմամբ 10 տոկոս մաքսատուրքի ժամանակավոր սահմանման մասին՝ խոստանալով այն բարձրացնել մինչև 15 տոկոս։ Վերլուծաբանների կարծիքով՝ Հնդկաստանը կարող է շարունակել ռուսական նավթի ներկրումը, քանի որ պաշտոնապես չի պարտավորվել դադարեցնել այդ գնումները։