Եվրոստատ․ Ռուսաստանի նավթից հրաժարվելու հետևանքով ամենաշատը տուժել են Նիդերլանդները

Ռուսական նավթի ներմուծումից հրաժարվելու արդյունքում ամենամեծ տնտեսական ազդեցությունը կրել են Նիդերլանդները։ Այս մասին հայտնում է «ՌԻԱ Նովոստի»-ն՝ հղում անելով Եվրոստատի տվյալներին։

Հիշեցնենք, որ 2022 թվականի դեկտեմբերին Եվրամիությունը արգելեց ռուսական նավթի մատակարարումը ծովային ճանապարհով, իսկ 2023 թվականի փետրվարից սահմանափակումները տարածվեցին նաև նավթամթերքների վրա։ Այս քայլերը հանգեցրին էներգակիրների շուկայում գնային աճի։ Եթե 2021 թվականին Նիդերլանդները ռուսական նավթը ձեռք էր բերում մեկ բարելի դիմաց միջինը 57,9 եվրոյով, ապա հաջորդ տարիներին գինը բարձրացել է մինչև 64,1 եվրո։ 2022-2024 թվականներին հաշվարկված «կորցրած շահույթը» գերազանցել է 52,5 միլիարդ եվրոն, իսկ 2025-ին կազմել է ևս 4,1 միլիարդ եվրո։

Ընդհանուր առմամբ, Եվրամիության համար հակառուսական պատժամիջոցների գործարկումից ի վեր «կորցրած շահույթը» գնահատվում է շուրջ 282,6 միլիարդ եվրո։ Ներկայումս որոշ եվրոպական երկրներ ռուսական նավթ կարող են ձեռք բերել Հունգարիայի և Սլովակիայի միջոցով, սակայն Ուկրաինայի կողմից «Դружբա» նավթատարի մատակարարումների սահմանափակման պատճառով քննարկվում են այլընտրանքային ուղիներ, այդ թվում՝ ծովային փոխադրումներ և Ադրիա նավթատարի օգտագործումը։